سویسرا بە باشترین وڵاتی جیهان دەستنیشان دەکرێت

ئاڤا نیوز

بەگوێرەی ڕاپرسییەک سویسرا بۆ حەوتەمین جار لەسەریەک توانی نازناوی باشترین وڵاتی جیهان بۆ ساڵی 2024ـی بەدەست بهێنێت.

چیرۆکی سەرەکی: ڕاپرسییەکە لەلایەن کۆلێژی وارتن لە زانکۆی پێنسیلڤانیای ئەمریکا کراوە، کۆلێژەکە شیکاری بۆ باشترین وڵاتانی جیهان کردووە بۆ ساڵی 2024.

زانکۆکە بە یەکێک لە زانکۆ هەرە بەناوبەنگەکانی جیهان دادەنرێت و چەندین کەسایەتی گرنگ دەرچووی ئەم زانکۆیەن، لەوانەش دۆناڵد ترەمپ، ئیڤانکا ترەمپ، ئیلۆن مەسک و چەندین کەسایەتی دیکە. 


ژمارەکان وادەڵێن: لە ڕاپرسییەکەدا 89 وڵات لەسەر 73 تایبەتمەندی جیاواز هەڵسەنگێراون، نزیکەی 17 هەزار بەشداربوو لە 89 نەتەوەی جیاواز لە سەرانسەری جیهان بەشدارییان تێدا کردووە.

 

ئەوەی پێویستە بیزانیت: سویسرا بۆ حەوتەمین جار لەسەریەک وەک باشترین وڵاتی جیهان لەڕووی کواڵیتی ژیان و کەمی ڕێژەی ئەنجامدانی تاوان دەستنیشان کراوە.