بانکی ناوەندیی عێراق فرۆشتنی دۆلاری دەستپێکردەوە

ئاڤا نیوز

 

دوای چوار ڕۆژ لە ڕاگرتنی فرۆشتنی دۆلار، ئەمڕۆ جارێکی تر بانکی ناوەندیی عێراق دەستیکردەوە بە فرۆشتنی دۆلار و خشتەیەکی نوێ بڵاوکردەوە.

 

ڕاگەیێنراوی فەرمی: بانکی ناوەندیی عێراق خشتەیەکی نوێ فرۆشتنی دۆلاری بڵاوکردەوە: ئەمڕۆ بڕی 252 ملیۆن و 16 هەزار و 660 دۆلاری خستووەتە بازاڕەوە، لەو بڕەش 233 ملیۆن و 766 هەزار و 660 دۆلاریان بە شێوەی حەواڵەیە و 18 ملیۆن و 250 هەزار دۆلاری دیکەش بە شێوەی نەختینە بووە.

 

زانیاریی زیاتر: بانکی ناوەندیی عێراق بەهۆی پشووی فەرمییەوە لەڕۆژی 13-9- 2024 ــەوە, فرۆشتنی دۆلاری ڕاگرتووە بەو هۆیەشەوە نرخی دیناری عێراقی بەرامبەر بەدۆلاری ئەمریکی دابەزینی زیاتری تۆمارکرد، نرخی 100 دۆلاری ئەمریکی گەیشتە سەروی 150 هەزار دینار.

 

ئەمەش بزانە: ڕۆژی پێنجشەممەی ڕابردوو 12ـ9-2024، بانکی ناوەندیی عێراق  257 ملیۆن و 345 هەزار و 110 دۆلاری خستە بازاڕەوە.