پاسپۆرتی ڕانیە داوایەکی خێرا لە هاووڵاتیان دەکات

ئاڤا نیوز

 

زیاتر لە 45 ڕۆژە دەرهێنان و نوێکردنەوەی پاسپۆرت لە نووسینگەی پاسپۆرتی ڕانیە وەستاوە، هاوکات نووسینگەکە داوایەک لە خەڵکی سنوورەکە دەکات.

 

وێنە گەورەکە: بەهۆی وەستانی هێڵی ئینتەرنێت لە بەغداوە، نووسینگەی پاسپۆرتی ڕانیە کاری دەرهێنانی پاسپۆرتی وەستاوە و تەنیا ئەوانە دەتوانن سەردانی بکەن، کە دەیانەوێت پاسپۆرتەکانیان وەربگرنەوە.

 
لێدوانی فەرمی: ئاودێر عەزیز، بەڕێوەبەری نووسینگەی پاسۆرتی ڕانیە بە پەیامنێری ئاڤا نیوزی ڕاگەیاند: دەیانەوێت باڵەخانەکەیان نۆژەن بکەنەوە، بۆ ئەوەی سیستمی نویێ پاسپۆرتیان پێبگات، تاوەکو ئەو کێشانەی لە ڕابردوو هەبووە، نەمێنیت.

 

زانیاریی زیاتر: بەڕێوەبەری نووسینگەی پاسپۆرتی ڕانیە داوا لە هاوڵاتییان دەکات، بەزووترین کات بۆ وەرگرتنەوەی پاسپۆرتەکانیان سەردانی بەڕێوەبەرایەتییەکە بکەن، ئەگەر لە ماوەی 2 بۆ 3 ڕۆژی دیکە پاسپۆرتەکان وەرنەگرنەوە، ڕەوانەی شاری سلێمانی یان بەغدا دەکرێن.

 
ئەمەش بزانە: نزیکەی چوار هەزار و 200 پاسپۆرتی تەواوبوو لە نووسینگەی پاسپۆرتی ڕانیە وەرنەگیراونەتەوە.

 

باکگراوند: تەنیا نووسینگەی پاسپۆرتی ڕانیە سیستمەکەی کۆنە، پاسپۆرتی جۆری A دەردەهێنرێت و جۆری B بە نووسینگەکە نەگەیشتووە، ئەمەش "بەهۆی ئەوەی باڵەخانەکەیان گونجاو نییە".