بڕیارێک لە بەرژەوەندی ئەو وانەبێژانەی بە هۆکاری جیا وازیان هێناوە دەدرێت

ئاڤا نیوزی

 

وەزارەتی پەروەردەی حکومەتی هەرێمی کوردستان، بڕیارێکی لەبەرژەوەندی ئەو وانەبێژانەدا کە بەهۆکاری جیا جیا وازیان لە وانەبێژی هێنابوو، فۆرمێکی تایبەتیان پێ دەدرێت تا پڕیبکەنەوە و سودمەندبن لە دامەزراندن بە گرێبەست.

 

وێنە گەورەکە: سەرۆکوەزیران مەسرور بارزانی، بڕیاری دامەزراندن بە گرێبەست بۆ 30 هەزار مامۆستای وانەبێژ دەرکرد، ڕۆژی 16-9-2024، فەرمانی دامەزراندنی واژۆکرا.

 

نووسراوی فەرمی: ڕۆژی 16-9-2024، وەزارەتی پەروەردە نووسراوێکی بڵاوکردەوە کە واژۆی وەزیری پەروەردەی لەسەرە، ئاماژە بەوە کراوە: فۆرمێکی تایبەت بەو مامۆستایانەی ساڵانێک خزمەتی وانەبێژییان کردووە و بە هۆکاری جیاواز وازیان هێناوە دەرکراوە.

 

زانیاری زیاتر: پێویستە فۆرمەکە پەروەردەی هەر قەزایەک بەتەواوی پڕی بکاتەوە و واژۆی مامۆستاکەی لەسەر بێت،  پاشان بە لیستێک لەسەر ئاستی بەڕێوەبەرایەتی گشتی پەروەردەی پارێزگا و ئیدارە سەربەخۆکان، پەروەردەی هەر قەزایەک بە جیا فۆرم و هەموو هاوپێچەکانی ئاراستەی بەڕێوەبەرایەتی گشتیی دیوانی وەزارەت بکات .

 

ئەوەی پێویستە بیزانیت: مامۆستای وانەبێژ پێویستە بەڵگەی نووسراوی هەبێت، هاوکات کۆپی بەڵگەکە بنێرێت کە ساڵیک یان چەند ساڵێک خزمەتی وانەبێژی کردووە.