مێتا میدیا فەرمییەکانی ڕووسیا قەدەغە دەکات

ئاڤا نیوز

 

کۆمپانیای مێتا ڕێگە بە میدیا فەرمییەکانی ڕووسیا نادات ئەپڵیکەیشنەکانی بەکاربهێنێت. کۆمپانیاکە هۆکارەکەی بۆ "چالاکیی دەستتێوەردانی بیانی"ـی میدیاکانی حکومەتی ڕووسیا گەڕاندووەتەوە.

 

وێنە گەورەکە: ئەمریکا ڕووسیا تۆمەتبار دەکات بەوەی لە تۆڕی هەواڵیی 'ڕووسیا تودەی' بڕی 10 ملیۆن دۆلاری لە تۆڕە کۆمەڵایەتییەکانی وەک تیکتۆک، ئینستاگرام، ئێکس و یووتیووب، خەرج کردووە تا کاریگەری لە سەر کەمپەینەکانی هەڵبژاردنی وڵاتان دابنێت.

 

ڕاگەیێنراوی فەرمی: مێتا لە بەیاننامەیەکدا ڕایگەیاندووە:  "ئێستا میدیا فەرمییەکانی ڕووسیا وەک: ڕووسیا سێگۆندیا، ڕووسیا تودەی و دامەزراوە پەیوەندیدارەکانی دیکەیان لەبەکارهێنانی ئەپڵیکەیشنی تۆڕە کۆمەڵاییەکانی سەر بە کۆمپانیاکە  قەدەغە کراون".

 

ئەمەش بزانە: مێتا خاوەندارێتیی تۆڕە کۆمەڵایەتییەکانی فەیسبووک، ئینستاگرام، وەتسئەپ، سرێدس و چەند ئەپڵیکەیشنێکی دیکە دەکات.