وەزارەتی دارایی عێراق لەبارەی مووچەی مانگەکانی داهاتوو ڕوونکردنەوە دەدات

ئاڤا نیوز

 

وەزارەتی دارایی عێراق لەبارەی دابەشکردنی مووچەی سەرجەم مووچەخۆران بۆ مانگەکانی داهاتوو ڕوونکردنەوە دەدات و ئەو دەنگۆیانەش ڕەتدەکاتەوە کە بەناوی وەزیری داراییەوە لەبارەی مووچەی مانگەکانی داهاتوو دراون.

 

ڕاگەیێنراوی فەرمی: وەزارەتی دارایی عێراق ڕایگەیاند: بۆ ڕای گەشتی ڕوونی دەکەینەوە، ئەو لێدوانانەی بەناوی وەزیری داراییەوە لەلایەن هەندێک کەسایەتییەوە دەکرێت لەسەر ئەوەی وەزارەتی دارایی بۆ چەند مانگی داهاتوو ناتوانێت مووچەی فەرمانبەران بدات، ئەمە دوورە لەڕاستییەوە، جەنابی وەزیریش هیچ لێدوانێکی لەمبارەیەوە نەداوە.

 

زانیاریی زیاتر: بەپێی ڕاگەیێنراوەکەی وەزارەتی دارایی، "وەزارەت پابەندبوونی تەواوی خۆی بە خەرجکردنی مووچە لە کاتی خۆیدا بۆ فەرمانبەران، خانەنشینان، چاودێریی کۆمەڵایەتی و هێزە ئەمنییەکان، لە نێویاندا مووچەی ئەندامانی هێزەکانی حەشدی شەعبی، بەپێی یاسا و ڕێسای کارپێکراو دووپاتدەکاتەوە. وردبینی لە مووچەی فەرمانبەرانی وەزارەتی کارەباش بەردەوام دەبێت.

 

لەلایەکی دیکە: وەزارەتی دارایی داوا لە ڕای گشتی و پیشەگەرانی میدیا و سەرجەم لایەنە بەرژەوەندیخوازەکان دەکات کە دەنگۆ و هەواڵی ناڕاست بڵاو نەکەنەوە و پشت بە سەرچاوە فەرمییەکان ببەستن بۆ وەرگرتنی زانیاری دروست.