چەند کوردێک ناویان لە ڕیزبەندی زاناکانی جیهان تۆمار دەکرێت

 ئاڤا نیوز

 

چەند مامۆستایەکی زانکۆکانی هەرێمی کوردستان ناویان لە لیستی زانکۆی ستانفۆردی ئەمریکی بۆ ئەو زانایانەی 2%ـی کۆی زانایانی جیهان پێكدەهێنن تۆمار کراوە.

 

وێنە گەورەکە: بەپێی داتای ڕێکخراوی UNICEF لە جیهاندا 10 ملیۆن زانای بوارە جیاوازەکان تۆمارکراون، لەم ژمارەیەش 200 هەزار زانا توێژینەوەکانیان هەڵبژێردراوە، کە دەکاتە 2%ـی کۆی زانایانی جیهان و ناوی ئەم زانا کوردانەش لە لیستی ئەم ڕیزبەندییە دایە.

 

لێدوانی فەرمی: پ.د.عەزیز بەرزنجی مامۆستا لە زانکۆی سۆران، کە ساڵی ڕابردووش ناوی لە ڕیزبەندییەکە دابوو بە ئاڤا نیوزی ڕاگەیاند: هۆکاری هەڵبژاردنیان وەکو زانا لە ڕیزبەندییەکەی زانکۆی ستانفۆرد بۆ ئەوە دەگەڕێتەوە، کە توێژینەوەکانی ئەو زانا کوردانە بەشێوەی کرداری ئەنجامدراون و توێژەرانی جیهان وەکو سەرچاوە بەکاریان هێناون.

 

باکگراوند: ساڵی ڕابردوو نزیکەی 20 زانای کورد لە سەرجەم زانکۆکانی هەرێمی کوردستان ناویان لە لیستی ئەو ڕیزبەندییە تۆمارکرابوو، بەڵام ئەم ساڵ ژمارەکە کەمترە.