بریارێکی تورکیا تێچووی گەشتیارانی هەرێمی کوردستان زیاد دەکات

ئاڤا نیوز

 

بانکی ناوەندیی تورکیا ڕێژەی سوودی بانکی لە ئاستەکانی 50% بەجێگیری هێشتەوە، ئامانجەکە کۆنتڕۆڵکردنی هەڵاوسانە؛ بڕیارەکەش لە سوودی گەشتیاران و بازرگانانی هەرێمی کوردستاندا نییە. 

 

وێنە گەورەکە: بانکی ناوەندیی تورکیا بۆ شەشەم مانگ لەسەر یەک، ڕێژەی سوودی بانکی بە نەگۆڕی دەهێڵێتەوە. بەرزبوونەوەی نرخەکان و هەڵاوسانی بەرز هۆکارن بۆ دووبارە جێگیرکردنی ڕێژەی سوودی بانکی لە تورکیا لە ئاستی 50% ، ئەمە لەکاتێکدایە یەدەگی فیدڕاڵی ئەمریکا ڕێژەکەی بە 50 خاڵ دابەزاند.

 

ڕاگەیێنراوی فەرمی: بانکی ناوەندیی تورکیا ڕایگەیاند، ئامرازەکانی سیاسەتی دراو بە شێوەیەکی کاریگەر بەکاردەهێنرێن و ڕێژەی سوود لەو ئاستە دەمێنێتەوە.

 

ئەو مانایەی دەیگەیەنێت: ڕێژەی سوودی بەرز لە تورکیا، هاوکارە بۆ جێگیرکردنی بەهای لیرەی تورکی بەرامبەر دراوە سەرەکییەکان، ئەمەش هۆکارە بۆ بەرزبوونەوەی خەرجیی گەشتیاران بۆ ئەو وڵاتە. هەروەها هۆکارە بۆ بەرزبوونەوەی تێچوونی هاوردەکردن لەلایەن بازرگانانەوە بۆ هەرێمی کوردستان، بەراورد بە وڵاتانی دیکە.

 

کاریگەری و لێکەووتەکان: سەقامگیری زیاتر دەداتە بەهای لیرەی تورکی بەرامبەر بە دۆلاری ئەمریکی و یۆرۆ. زیادبوونی متمانەی وەبەرهێنەرە بیانییەکان بە ئابووری تورکیا و بەرزبوونەوەی نمرەی بانکە تورکییەکانە لەسەر ئاستی نێودەوڵەتی.