وەزارەتی گواستنەوەی عێراق: ڕۆژانە چوار گەشتی عەمرە بۆ سعودیە ڕێکدەخرێت

ئاڤا نیوز

 

حکومەتی عێراق ڕۆژانە چوار گەشت لە عێراقەوە بۆ سعودیە و گەشتی پێچەوانە بۆ عەمرەکاران ڕێکدەخات، وەزارەتی گواستنەوەی عێراقیش لەژێر چاودێریی وەزیر ژوورێکی تایبەتی ئۆپەراسیۆنی بۆ پڕۆسەی گواستنەوەی سەردانیکەران پێکهێناوە.

 

وێنە گەورەکە: وەزارەتی گواستنەوەی عێراق پلانی گواستنەوەی عەمرەکاران بۆ سعودیەی داڕشتووە و ڕۆژانە بە سەدان عەمرەکار بۆ سعودیە و بەپێچەوانەوە بۆ عێراق دەگوازێتەوە.

 

ڕاگەیێنراوی فەرمی: ڕەزاق محێبس سەعداوی، وەزیری گواستنەوەی عێراق ڕایگەیاند: لە سێ ڕۆژی ڕابردوودا دوو هەزار سەردانیکەر کە ژمارەیان 600 بۆ 800 کەس  دەبێت لە ڕۆژێکدا گوازراونەتەوە بۆ عێراق.

 

زانیاریی زیاتر: پڕۆسەی گواستنەوە لە خاکی سعودیەوە بۆ عێراق لە 24ـی ئەیلوول کۆتایی دێت.

 

باکگراوند: ساڵانە لە هەرێمی کوردستان و عێراقەوە دەیان هەزار هاووڵاتیی بەمەبەستی ئەنجامدانی عەمرە لە ڕێگەی وشکانی و ئاسمانییەوە سەردانی سعودیە دەکەن.