وەزارەتی دارایی وادەی ڕاگەیاندنی لیستی مووچەی مانگی 8 ئاشکرا دەکات

ئاڤا نیوز

وەزارەتی دارایی و ئابووریی هەرێمی کوردستان بۆ دابەشکردنی مووچە پێویستی بە 998 ملیار دینارە، بەڵام کورتهێنان هەیە، سەرقاڵی چارەسەرکردنی بابەتەکەین و ئەمشەو یان سبەی لیستی مووچە ڕادەگەیێنرێت.

 

لێدوانی فەرمی: هونەر جەمال، گوتەبێژی وەزارەتی دارایی و ئابووریی هەرێمی کوردستان لەمیانی بەشداریکردنی لە گەشتی هەواڵەکانی کاتژمێر حەوتی ئاڤا نیوز ڕایگەیاند: بۆ دابەشکردنی مووچە پێویستیمان بە 998 ملیار دینارە، بەڵام ئەو بڕە پارەیەی لە بەردەستی وەزارەتی داراییە، 755 ملیار دینارە، واتە 243 ملیار کورتهێنان هەیە.

 

زانیاریی زیاتر: گوتەبێژی وەزارەتی دارایی ڕاشیگەیاند: ئەمشەو یان سبەی لیستی مووچەی مانگی هەشت ڕادەگەیێنین، هاوکات تیمەکانی وەزارەتی دارایی بەردەوام کار دەکەن بۆ ئەوەی لە داهاتوودا لیستی مووچە بەپێی داواکارییە نوێیەکانی حکومەتی عێراق ئامادە بکرێت.

 

لەلایەکی دیکەوە: هونەر جەمال ئەوەشی خستەڕوو: دوو مانگە کێشە بۆ مووچەی هەرێمی کوردستان دروست دەکرێت و کێشەی فەرمانبەرانی وەزارەتی کارەباش چارەسەر کراوە، هاوکات شاندێکی حکومەتی هەرێمی کوردستان لە دەرەنجامی کۆبوونەوەکانی ئەنجوومەنی ئابووریی هەرێمی کوردستان و ئەنجوومەنی وەزاریی عێراق دەچێتە بەغدا.

 

دەقی وەڵامی