نێچيرڤان بارزانى ده‌ستخۆشى له‌ بەرپرسانی ئيداره‌ى سه‌ربه‌خۆى سۆران دەكات

ئاڤا نیوز

 

نێچیرڤان بارزانی، سەرۆكی هەرێمی كوردستان لەمیانەی سەردانی بۆ ئیدارەی سەربەخۆی سۆران، لەگەڵ بەرپرسانی دەڤەرەكە كۆدەبێتەوە و لەبەرامبەر ئه‌و كار و خزمه‌ته‌ى کە پێشكه‌شيان كردووه‌ دەستخۆشییان لێدەكات.

 

وێنە گەورەكە: ڕۆژی دووشه‌ممه‌ 2024/9/23 نێچيرڤان بارزانى، سه‌رۆكى هه‌رێمى كوردستان، سەردانی ئیدارەی سەربەخۆی سۆرانی كرد و لەگەڵ سه‌رپه‌رشتيارى ئيداره‌ى سه‌ربه‌خۆى شارەکە و به‌رپرسانى يه‌كه‌ كارگێڕييه‌كانى دەڤەرەكە كۆبووه‌وه‌.

 

ڕاگەیێنراوی فەرمی: سەرۆكایەتیی هەرێمی كوردستان ڕایگەیاند: نێچيرڤان بارزانى، وێڕاى ئاماژه‌دان به‌ زه‌مينه‌ و ده‌رفه‌ته‌كانى گه‌شه‌پێدان و پێشخستنى زياترى ناوچه‌كه له‌ چه‌ندين بواری جیادا‌، ده‌ستخۆشیى له‌ سه‌رپه‌رشتيار و به‌رپرسانى يه‌كه‌ كارگێڕييه‌كانى ئيداره‌ى سه‌ربه‌خۆى سۆران كرد بۆ ئه‌و كار و خزمه‌ته‌ى کە پێشكه‌شيان كردووه‌، هه‌روه‌ها په‌ره‌وپێشچوون و گه‌شه‌سه‌ندنى ناوچه‌كه‌ى، به‌رز هه‌ڵسه‌نگاند.

 

لەلایەكی دیكەوە: بانگه‌شه‌ى چاوه‌ڕوانكراوى هه‌ڵبژاردنى په‌رله‌مانى كوردستان و ئاماده‌كارييه‌كان بۆ پرۆسه‌ى ده‌نگدان، ته‌وه‌رێكى ديكه‌ى كۆبوونه‌وه‌كه‌ بوو، سەرۆكی هەرێمی كوردستان وێڕاى جه‌ختكردنه‌وه‌ له‌ گرنگيى هه‌ڵبژاردن و كاركردن بۆ سه‌رخستنى، داواى له‌ هه‌موو لايه‌ك كرد بانگه‌شه‌يه‌كى شارستانى و ئارام به‌ڕێوه‌ ببرێت.