شاندێکی لیژنەی دارایی پەرلەمانی عێراق دەگاتە هەولێر

ئاڤا نیوز 

 

دوای چەند جارێک دواخستن، بڕیارە ئەمڕۆ شاندەکەی لیژنەی دارایی ئەنجومەنی نوێنەرانی عێراق بگەنە هەولێر و لەگەڵ وەزارەتی دارایی و چەند بەڕێوەبەرایەتییەکی دارایی کۆببنەوە.

 

وێنە گەورەکە: هاتنی شاندەکەی ئەنجومەنی نوێنەرانی عێراق بۆ هەولێر لەکاتێکدایە، دوو ڕۆژە شاندێکی وەزارەتی دارایی حکومەتی هەرێمی کوردستان لە بەغدان بۆ پرسی مووچە.

 

زانیاری پەیامنێر: دەروون مەلا ناجی، پەیامنێری ئاڤا نیوز لە بەغدا ڕایگەیاند: بڕیارە ئێوارەی ئەمڕۆ سێشەممە، شاندەکە بە سەرۆکایەتی عەتوان عەتوانی بگاتە هەولێر، 12 ئەندامی لیژنەی دارایی ناویان نووسیووە و لەناو شاندەکە دەبن، ماوەی سێ رۆژ لە هەولێر دەمێننەوە، لەگەڵ وەزارەتی دارایی و دیوانی چاودێری دارایی کۆبوونەوەیان دەبێت.

 

زانیاریی زیاتر: سەبارەت بە شاندەکەی وەزارەتی دارایی کە ئێستا لە بەغدان، دەروون مەلا ناجی دەڵێت: شاندەکەی وەزارەتی دارایی ژمارەیان پێنج بەڕێوەبەرە، بەڕێوەبەری گشتی بودجەی وەزارەتی دارایی و ژمارەیەک بەڕێوەبەری ژمێرکاری و بەڕێوەبەرێکی دیوانی چاودێری دارایی پێکهاتوون، لیستی مووچەی مانگی هەشت و نۆیان ڕادەستی وەزارەتی دارایی کردووە، ئەو لیستانە بەپێی داواکاری وەزارەتی دارایی عێراق بووە، لیستەکان دەبنە بنەمایەک بۆ مانگەکانی 10 و 11 و 12، بەڵام پێویستە مانگانە وەزارەتی دارایی هەرێمی کوردستان گۆڕانکارییەکانی داتای بایۆمەتری بۆ بەغدا بنێرێت.

 

ئەوەی پێویستە بیزانیت: دواین زانیاری لەبارەی ئەو بڕە پارەیەی لە مووچەی مانگی هەشت ماوە کە 243 ملیار دینارە بەمجۆرەیە، لەماوەی هەفتەیەکدا وەزارەتی دارایی عێراق تەمویلی ئەو بڕە دەکات.

 

نوێدەکرێتەوە