لە گوندێکی شێخان ئێسک و پروسکی 77 کەس لە گۆڕێکی بەکۆمەڵدا دەردەهێنرێت

ئاڤا نیوز

لە دەڤەری شێخان بە دیاریکراوی لە گوندی دەکان، ئێسک و پروسکی 77 هاووڵاتی دەرهێنرا کە  55 ساڵ پێش ئێستا لەلایەن ڕژێمی بەعسەوە شەهیدکرابوون.

چیرۆکی سەرەکی: ساڵی 1969 خەڵکی گوندی دەکان بۆ خۆحەشاردان دەچنە نێو ئەشکەوتێک کە بەدووری 40 کیلۆمەتر لە ناوەندی قەزای شێخان هەڵکەوتووە، بەڵام لەلایەن ڕژێمی بەعسەوە دەدۆزرێنەوە و ئاگر لە ئەشکەوتەکە بەردەدەن، بەهۆیەوە 77 کەس کە منداڵ و ئافرەت و پیاو بوون شەهید دەبن.

 

زانیاریی زیاتر: ڕووفاتی شەهیدەکان لەنێو گۆڕێکی بەکۆمەڵدا بەخاکسپێردرابوو، دوای دەرهێنانی ئێسک و پروسکیان کەسوکارەکەیان داوا دەکەن لەو شوێنەدا مۆنیۆمێنتێکیان بۆ دابنرێت.