هەڤاڵ ئەبوبەکر داوای هەڵگرتنی ئابڵوقەی سەر فڕۆکەخانەی سلێمانی دەکات

ئاڤا نیوز

سەرۆکی هەرێمی کوردستان لە  شاری سلێمانییە  و لەگەڵ پارێزگار، جێگرانی پارێزگار، قایمقام و بەرپرسانی کارگێڕیی پارێزگاکە کۆبووەوە، لەو  کۆبوونەوەیە هەڤاڵ ئەبوبەکر داوای لە سەرۆکی هەرێمی کوردستان کردووە هەوڵ بۆ هەڵگرتنی ئابڵوقەی سەر فڕۆکەخانەی سلێمانی بدات، کە ساڵێک و شەش مانگە گەشتەکانی نێوان تورکیا و سلێمانی ڕاگیراوە.

 

وێنە گەورەکە: ڕۆژی 08-06-2024، تورکیا ماوەی ڕاگرتنی گەشتە ئاسمانییەکانی لەگەڵ فڕۆکەخانەی نێودەوڵەتیی سلێمانی تاوەکو 07-12-2024 درێژکردەوە، کە زیانی زیاتر لە 10 ملیۆن دۆلاری لە فڕۆکەخانەی سلێمانی داوە و بەشێکی زۆری کۆمپانیاکان کە گەشتیار لە سلێمانی بۆ تورکیا دەبەن، داخراون.

 

لێدوانی فەرمی: هەڤاڵ ئەبوبەکر، پارێزگاری سلێمانی لە کۆنگرەیەکی ڕۆژنامەوانیدا ڕایگەیاند، "داوامان لە نێچیرڤان بارزانی، سەرۆکی هەرێمی کوردستان کردووە ڕۆڵی هەبێت لە هەڵگرتنی ئابڵوقەی سەر فڕۆکەخانەی سلێمانی و ئاسایی بووەنەوەی گەشتەکانی لەگەڵ تورکیا".

 

گۆشەیەکی دیکەی دیمەنەکە: لە بەشێکی دیکەی گفتوگۆی نێوانیاندا تیشک خراوەتە سەر بانگەشەی هەڵبژاردن کە بڕیارە لە سبەیەوە دەستپێبکات.