عێراق لەبارەی عەمبارکردنی خۆراک دڵنیایی دەدات

ئاڤا نیوز

 

وەزارەتی بازرگانیی عێراق دڵنیایی دەداتە هاووڵاتیان و ئەو دەنگۆیانەش ڕەتدەکاتەوە کە باس لە هەڵگرتنی پێداویستی خۆراک دەکەن لە ئەگەری ڕوودانی دۆخێکی نائاسایی.

 

ڕاگەیێنراوی فەرمی: محەممەد حەنوون، گوتەبێژی وەزارەتی بازرگانی، لە ڕاگەیەندراوێکدا دەڵێت: "بڕێکی زۆر باشی سەبەتەی خۆراک عەمبارکراوە، ئەمەش دوابەدوای کاری جدی وەزارەت بە هاوکاری لەگەڵ کەرتی تایبەت دێت".

 

زانیاریی زیاتر: وەزارەتەکە داوا لە هاووڵاتیان دەکات "پشکی نوێی بەشەخۆراکی مانگانە وەربگرن"، داواشیان لێدەکات "مامەڵە لەگەڵ ئەو دەنگۆیانە نەکەن کە لە تۆڕە کۆمەڵایەتییەکانەوە بانگەشەی بۆ دەکرێت".

 

لەلایەکی دیکە: هەر ئەمڕۆ کۆمپانیای گشتیی بۆ بازرگانیی خۆراک، سەر بە وەزارەتی بازرگانیی عێراق ڕایگەیاند، هەفتەی داهاتوو بەشە خۆراکی مانگانە دابەش دەکرێت و بۆ یەکەمجاریش چوار جۆر ماددەی پاقلەمەنیی دابەش دەکرێن.