هێزی ئاسمانیی عێراق پێنج داعش لە کەرکووک دەکاتە ئامانج

ئاڤا نیوز

 

 هێزی ئاسمانیی عێراق درەنگانی شەوی سێشەممە بە فڕۆکەی ئێف 16 مۆڵگەیەکی داعشی کردە ئامانج بەهۆیەوە پێنج چەکداری داعش کوژران.

 

وێنە گەورەکە: سوپای عێراق بە هاوبەشی هێزەکانی هاوپەیمانیی نێودەوڵەتی دژی داعش، لە بەئامانجگرتنی شانە نوستووەکانی داعش لە پارێزگاکانی ئەنبار، نەینەوا، سەڵاحەددین، کەرکووک و دیالە بەردەوامە و لە دوایین ئۆپەراسیۆندا پێنج چەکداری داعشی کردە ئامانج.

 

ڕاگەیێنراوی فەرمی: فەرماندەیی ئۆپەراسیۆنە هاوبەشەکانی عێراق ڕایگەیاند: بەپێی زانیاریی هەواڵگیریی ورد و دوای چاودێریکردن بۆ ماوەی چەند ڕۆژێک، هێرشەکە لە دۆڵی زگیتۆن لە کەرکووک کراوە.

 

ئەوەی پێویستە بیزانیت: لە بەرەبەیانی 19ـی ئەیلوولی 2024 هێزی ئاسمانیی عێراق بە فڕۆکەی ئێف 16 چوار سەکردەی داعشی لە ڕۆژئاوای کەرکووک کوشت.

 

باکگراوند: فەرماندەیی ئۆپەراسیۆنە هاوبەشەکانی عێراق بە هاوبەشی لەگەڵ هێزەکانی ئەمریکا بەرەبەیانی ڕۆژی 29ـی مانگی ڕابردوو ئۆپەراسیۆنێکیان کردە سەر بنکەی چەکدارانی داعش لە ناوچەی حوزەیمی لە بیابانەکانی پارێزگای ئەنبار، 14 چەکداری داعش کوژران کە زۆربەیان سەرکردەی دیاری داعش بوون.