پەیامێک لە نەتەوەیەکگرتووەکانەوە لەبارەی هەڵبژاردنی پەرلەمانی کوردستان

ئاڤا نیوز

 

یۆنامی پێشوازی لە دەستپێکی بانگەشەی هەڵبژاردن دەکات کە بڕیارە لە 20ـی تشرینی یەکەمی 2024 هەڵبژاردنی پەرلەمانی کوردستان بەڕێوەبچێت.

 

ڕاگەیێنراوی فەرمی: نێردەی نەتەوەیەکگرتووەکان لە عێراق "یونامی"جەخت لەسەر گرنگیی دەستەبەرکردنی ژینگەیەکی ئارامی بۆ هەڵمەتی بانگەشەی هەڵبژاردن دەکاتەوە کە دووربێت لە تووندوتیژی و تۆقاندن، هاوکات بەشداربووانیش سەرنجیان لەسەر کێبڕکێی ئاشتییانەی دیدگە و بەرنامەکان بێت، بۆ ئەوەی دەنگدەران بتوانن بڕیاری هۆشیارانە لەسەر سندووقەکانی دەنگدان بدەن".

 
زانیاریی زیاتر:  یونامی داوا لە بەربژێر، کارەکتەری سیاسی و میدیاکان دەکات، بەشداربن لە فەراهەمکردنی ژینگەیەکی گشتگیر و گفتوگۆی لەبارەوە کراوە بەدرێژایی ماوەی هەڵمەتی هەڵبژاردن، بۆ ئەوەی هەڵبژاردنەکان متمانەپێکراوبن، زۆر گرنگە ژینگەیەکی سەلامەت دابین بکرێت، پێشوازییەکی باش لە کاندید و دەنگدەران بکرێت، بەتایبەتی ئەو ژنانەی کە زۆرجار لە کاتی پڕۆسەکانی هەڵبژاردندا ڕووبەڕووی ئاستەنگیی جیاواز دەبنەوە.

 

باکگراوند: دوو ملیۆن و 888 هەزار و 162 کەس لە هەرێمی کوردستان بۆ هەڵبژاردنی خولی شەشەمی پەرلەمانی کوردستان مافی دەنگدانیان هەیە، لەو ژمارەیەش، دوو ملیۆن و 672 هەزار و 43 کەس لە دەنگدانی گشتی و 216 هەزار و 119 کەسیش لە دەنگدانی تایبەت دەنگ دەدەن.