دروشمەکانی پارتی مانای چین؟

ئاڤا نیوز

 

پارتی دیموکراتی کوردستان بە چوار دروشمی سەرەکی بانگەشەی هەڵبژاردنی بۆ سەرخستنی لیستی 190 و ناساندنی کارنامەی حیزبەکەی بۆ هەڵبژاردنی پەرلەمانی کوردستان دەستپێکرد.

 

وێنە گەورەکە: ئەمڕۆ چوارشەممە لیستی 190ی پارتی دیموکراتی کوردستان بە دروشمی "ئارامی و ئاوەدانی، پێکەوەیی و خۆڕاگری"، بەسەرپەرشتی سەرۆک بارزانی بەفەرمی دەستی بە بانگەشەی هەڵبژاردن کرد و سەرجەم بەربژێرەکانی ناساند.

 

ئەوەی پێویستە بیزانیت: دروشمەکانی پارتی بۆ بانگەشەی هەڵبژاردن بریتین لە:
 

خۆڕاگری: خۆڕاگریی کوردستان بەرامبەر بە پیلانی ناحەزانی، بناغەکەی ئیرادەی بەرزی خەڵکی کوردستانە، ئەو ئیرادەیە پارتی دروستی کردووە و هەر دەمێنێت، با پارتی بەهێزتر بکەین و کوردسانیش خۆڕاگرتر.

 

پێكەوەیی: پێکەوەژیانی ئەمڕۆی کوردستان، هەوێنەکەی لە ڕێبازی بارزانی و شۆڕشی مەزنی ئەیلوولە؛پارتی، ئامێزە گەورەکەی خەڵکی کوردستانە بە هەموو دەنگوڕەنگ و ئایدۆلۆژیا جیاوازەکانەوە، با پێکەوە پارتی بەهێزتر بکەین.

 

ئاوەدانی: ئاوەدانی ئەمڕۆی کوردستان، شاهێدێکی دەنگ زووڵالی پارتیە، بۆ ئەو ئەرکە، کوردستان پێویستی بە پارتییە. با پارتی بەهێزتر بکەین و دەستیی ئاوەدانیی پارتی درێژتر بکەین.

 

ئارامی: ئارامیی ئەمڕۆی کوردستان، دەستکەوتی هاوبەشیی پارتی و خەڵکی کوردستانە، پارتی دیموكراتی كوردستان، گرەنتی مانەوەی ئارامییە، با پارتی بەهێزتر بکەین و وڵاتیش ئارامتر.

 

ئەمەش بزانە: پارتی بە لیستی ژمارە 190 بەشداریی لە هەڵبژاردنی خولی شەشەمی پەرلەمانی کوردستان دەکات و 190 بەربژێری لە هەرچوار بازنەی هەڵبژاردن هەیە: هەولێر 64، سلێمانی 72، دهۆک 48 و هەڵەبجە 6 بەربژێر.