هۆشداری لە پەلکێشکردنی عێراق بۆ جەنگی ئیسرائیل و حیزبوڵڵا دەدرێت

ئاڤا نیوز

 

چاودێرانی کاروباری سیاسی و سەربازی پێشبینی جەنگێکی هەمەلایەنە دەکەن لە نێوان ئیسرائیل و وڵاتانی ڕۆژهەڵاتی ناوەڕاست و لایەنەکانی "بەرەی مقاوەمە" ، و هۆشداری لە پەلکێشکردنی عێراق بۆ ناو جەنگەکە دەدەن. 

 

وێنە گەورەکە: لە ئێوارەی یەکشەممەی ڕابردووەوە، هێزەکانی ئیسرائیل لە ئۆپەراسیۆنێکدا بەناوی "تیری باکوور"، ناوچەکانی باشوور و ڕۆژهەڵاتی لوبنانیان کردۆتە ئامانج، کە بە مۆڵگەی حزبوڵڵای لوبنانی دادەنرێت، و بەپێی دوایین ئاماری وەزارەتی تەندروستی لوبنان زیاتر لە 558 کوژراو و هەزار و 835 برینداری لێکەوتووەتەوە. 

 

 لێدوانی فەرمی: ئەعیاد تۆفان، شارەزا لە کاروباری سەربازی ڕایگەیاند: دوای ئەوەی بەرەی مقاوەمەی عێراق بەئاشکرا شەڕی دژی ئیسرائیل ڕاگەیاند، بە دڵنیاییەوە عێراق پشکی گرژییەکانی ناوچەکەی بەردەکەوێت و دوور نابێت لە پرووشکی جەنگەکەوە، چونکە حکومەتی عێراق ناتوانێت جموجۆڵی ئەو هێزانە کۆنترۆڵ بکات.

 

زانیاریی زیاتر: تۆفان ئاماژەی بەوەش کرد، وەڵامی ئیسرائیل بۆ هێزە چەکدارەکانی عێراق چاوەڕوانکراوە، بەتایبەتی ئیسرائیل توانای سەربازیی هەیە بۆ بەئامانجگرتنی جموجۆڵی هێزە چەکدارەکانی عێراق و سەرکردەکانیان”.

 

باکگراوند: دوای چڕبوونەوەی هێرشەکانی ئیسرائیل بۆ سەر حیزبوڵڵای لوبنان، بەرەی مقاوەمەی عێراق کە ژمارەیەک گرووپی چەکداری شیعەن و لەلایەن ئێرانەوە پاڵپشتی دەکرێن، دوێنێ بەیانی بۆ جاری دووەم به‌ فڕۆكه‌ی بێ فڕۆكه‌وانی "ئەرفەد" هێرشیان کردە سەر بنەکەکانی سوپای ئیسرائیل لە بەرزاییەکانی جۆڵان، کە دەکەوێتە نێوان سووریا و ئیسرائیل و لوبنان.