نێچيرڤان بارزانى له‌گه‌ڵ باڵيۆزى فه‌ره‌نسا كۆبووه‌وه

ئاڤا نیوز 

 

وێنە گەورەکە: ئه‌مڕۆ چوارشه‌ممه‌ نێچيرڤان بارزانى، سه‌رۆكى هه‌رێمى كوردستان، پێشوازيى له‌ پاتريک دۆرێل باڵيۆزى فه‌ره‌نسا له‌ عێراق كرد، دۆخى ناوچه‌كه‌ به‌گشتى و چه‌ند پرسێكى ديكه‌ى جێى بايه‌خى هاوبه‌ش، گفتوگۆ کران.

 

زانیاریی زیاتر: له‌ ديدارێكدا په‌يوه‌ندييه‌كانى فه‌ره‌نسا له‌گه‌ڵ عێراق و هه‌رێمى كوردستان، دوا په‌ره‌سه‌ندنه‌كانى گفتوگۆى هه‌ولێر و به‌غدا بۆ چاره‌سه‌ركردنى كێشه‌كانى نێوانيان، دۆخى هه‌رێمى كوردستان و هه‌ڵبژاردنى په‌رله‌مانى كوردستان، تاوتوێكران.

 

لەلایەکی دیکەوە: هه‌ردوولا هاوڕا بوون له‌سه‌ر ئه‌وه‌ى ده‌رفه‌ت و زه‌مينه‌ى بره‌ودانى زياتر به‌ په‌يوه‌ندييه‌كانى فه‌ره‌نسا له‌گه‌ڵ عێراق و هه‌رێمى كوردستان له‌ هه‌موو بواره‌كان به‌تايبه‌تى له‌ بوارى ئاڵۆگۆڕى بازرگانى و ئابووريدا له‌باره‌. له‌مباره‌يه‌وه‌ بيروڕايان ده‌رباره‌ى ده‌رفه‌ت، هه‌نگاوه‌كان و هاريكاريى هاوبه‌شييان گۆڕييه‌وه.‌

 

گۆشەیەکی دیکەی دیمەنەکە: له‌ ديداره‌كه‌دا که‌ كونسوڵى گشتيى فه‌ره‌نسا له‌ هه‌رێمى كوردستان، ئاماده‌ بوو، وێڕاى داكۆكيكردن له‌ گرنگيى هه‌ڵبژاردن بۆ هه‌رێمى كوردستان، هيوايان خواست بانگه‌شه‌يه‌كى ئارام و پرۆسه‌ى ده‌نگدان به‌ سه‌ركه‌وتوويى به‌ڕێوه‌بچێت، دۆخى ناوچه‌كه‌ به‌گشتى و چه‌ند پرسێكى ديكه‌ى جێى بايه‌خى هاوبه‌ش، ته‌وه‌رێكى ديكه‌ى ديداره‌كه‌ بوو.