ڕێکارەکانی بە قەزابوونی تەقتەق دەستپێدەکات

ئاڤا نیوز

 

دوای چەند کاتژمێر لە بڕیارەکەی سەرۆکوەزیران مەسرور بارزانی لەبارەی قەزابوونی تەقتەق، پارێزگاری هەولێر دەستپێکردنی ڕێكارەکانی بە قەزابوونی ئەو ناوچەیەی ڕاگەیاند.

 

وێنە گەورەکە: ڕۆژی چوارشەممە 2024-9-25، سەرۆکوەزیران مەسرور بارزانى، لە درێژەی وتاری ڕێوڕەسمی زەنگی ساڵی نوێی خوێندن، موژدەی بە قەزاکردنی ناحیەی تەقتەقى بە دانیشتووانی ئەو ناوچەیە ڕاگەیاند.

 

ڕاگەیێنراوی فەرمی: ئومێد خۆشناو، پارێزگاری هەولێر دەڵێت: لەسەر ڕاسپاردە و فەرمانى سەرۆکى حکومەتى هەرێمى کوردستان، بڕیارەکەی سەرۆکوەزیران مەسرور بارزانی لەبارەی قەزابوونی تەقتەق کەوتووەتە بوارى جێبەجێکردنەوە و لەم نزیکانە ڕێکارە ئیدارى و یاساییەکان دەستپێدەکات بۆ تەواوکردنى کاروبارەکان.

 

زانیاریی زیاتر: ئەم هەنگاوەی کابینەی نۆیەمی حکومەتی هەرێمی کوردستان، لە پێناو زیاتر خزمەتکردنى هاووڵاتییان و گەیاندنى پڕۆژە خزمەتگوزارییەکان و ئاوەدانى زیاترە بە ناوچە جیاوازەکان، هەروەها بۆ باشتر ڕایکردنی کاروباری ئیداریی و کارگێڕییەکانی هاوڵاتییانە لە فەرمانگە حکومییەکاندا.