عێراق ئامادەیی خۆی بۆ هاوبەشیکردن لەگەڵ کۆمپانیا ئەمریکییەکان دەردەبڕێت

ئاڤا نیوز

 

عێراق ئامادەیی خۆی بۆ نێو هاوبەشیکردن لەگەڵ کۆمپانیا ئەمریکییەکان لە کەرتی پیشەسازیی نەوتدا دەردەبڕێت و هاوکات نیازی حکومەتەکەشی بۆ دامەزراندنی بانکێکی نوێی عێراقی ئاشکرا دەکات.

 

چیڕۆکی سەرەکی: درەنگانی شەوی چوارشەممە 24-9-2024، محەممەد شیاع سوودانی، سەرۆکوەزیرانی عێراق لە نیویۆرک به ئامادەبوونی کۆمەڵێک له وەبەرهێنەران و بازرگانان و نوێنەرانی کۆمپانیا ئەمریکییەکان و ئەنجوومەنی بازرگانیی عێراقی ئەمریکی، بەشداری له دانیشتنێکی دیالۆگی ژووری بازرگانیی ئەمریکا و مۆنیتۆر کرد.

 

ڕاگەیێنراوی فەرمی: نووسینگەی سەرۆکوەزیرانی عێراق ڕایگەیاند: لە دانیشتنەکەدا سوودانی ئاماژەی بەوەداوە، حکومەت دەستیکردووە بە زنجیرەیەک پڕۆژەی خێرا، لەوانە "ڕێککەوتنی گرنگ لەگەڵ کۆمپانیای تۆتاڵ کە یارمەتیدەرە بۆ زیادکردنی بەرهەمهێنانی نەوت و وەبەرهێنانی غازی هاوەڵ بە بڕی (600) ملیۆن پێ سێجا، جگە لە خستنەڕووی هاوپێچی گەڕی پێنجەم و شەشەمی مۆڵەتدان و ئەنجامدانی گرێبەستی بەرهەمهێنانی نەوت و وەبەرهێنانی غاز.

 

لەلایەکی دیکەوە: پەیوەست بە کەرتی بانکی لە عێراق، سەرۆکوەزیرانی عێراق ئاماژەی بەوەداوە گەشەپێدان بەبێ کەرتی بانکی تۆکمە کە بە پێی ستانداردە نێودەوڵەتییە پەسەندکراوەکان کار بکات، بەدی نایەت، هاوکات 95%ـی گواستنەوەی دارایی لە بازرگانی عێراقدا لە ڕێگەی بانکی متمانەپێکراوەوە ئەنجام دەدرێت.

 

زانیاریی زیاتر: سوودانی ئەوەشی بەشاندی بازرگانانی ئەمریکا گوتووە کە "بانکی ناوەندیی سەربەخۆیی هەیە و دەسەڵاتەکانی خۆی بە پرۆفیشناڵییەوە بەکاردەهێنێت، ئێمە بەنیازین بانکێکی نوێ دابمەزرێنین کە بە نوێترین تەکنەلۆژیا بەکاربهێنێت"،