سوودانی بانگهێشتی گۆتێرێس دەکات بۆ بەغدا

ئاڤا نیوز

 

بەمەبەستی بەشداریکردن لە لوتکەی عەرەبی کە بڕیارە ساڵی 2025 لە بەغدا بەڕێوەبچێت، سەرۆکوەزیرانی عێراق بانگهێشتی ئەمینداری گشتی نەتەوە یەکگرتووەکان دەکات.

 

چیرۆکی سەرەکی: لە میانەی بەشداریکردنی لە کۆبوونەوەی ساڵانەی کۆمەڵەی گشتی نەتەوە یەکگرتووەکان، محەممەد شیاع سوودانی، سەرۆکوەزیرانی عێراق، لەگەڵ ئەنتۆنیۆ گۆتێرێس ئەمینداری گشتی نەتەوە یەکگرتووەکان کۆبووەوە.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق بڵاویکردەوە: لە کۆبوونەوەکەدا تاوتوێی پەیوەندییەکانی نێوان عێراق و نەتەوە یەکگرتووەکان کراوە و پێداچوونەوەیەکی گشتیش بۆ کارەکانی یۆنامی لە عێراق کراوە.

 

زانیاریی زیاتر: سوودانی ستایشی هەوڵەکانی سکرتێری گشتی نەتەوە یەکگرتووەکان کردووە لە پرسی دەستدرێژی ئیسرائیل بۆسەر کەرتی غەززە و ئیدانەکانی کرد تاوانکارییەکانی دژبە مرۆڤایەتی.

 

لەلایەکی دیکەوە: گۆتێرێس سوپاسی حکومەتی عێراقی کرد لەبەرامبەر کاری هاوبەش و هەماهەنگی بەردەوامیان لە بواری مرۆیدا و ستایشی گفتوگۆی نێوانیانی کرد لە پرسی کۆتایی هاتنی نوێنەرایەتی یۆنامی.