ترەمپ: ببەمەوە سەرۆک سکاڵا لەسەر گووگڵ تۆمار دەکەم

ئاڤا نیوز

 

دۆناڵد ترەمپ بەڵێن دەدات، ئەگەر ببێتەوە بە سەرۆکی ئەمەریکا سکاڵا لەسەر گووگڵ تۆماربکات، چونکە بە وتەی خۆی تەنیا " بابەتی خراپ"ـی لەسەر بڵاوەدەکەنەوە.

 چیرۆکی سەرەکی: دۆناڵد ترەمپ، بەربژێری کۆمارییەکان بۆ پۆستی سەرۆکایەتیی ئەمریکا لە پۆستێکیدا  لە تۆڕی کۆمەڵایەتیی "تروس" کە خۆی خاوەندارێتی دەکات، کۆمپانیای گووگڵ تۆمەتبار دەکات بەوەی بەردەوام بابەتی نەرێنی لەسەر ئەو بڵاو دەکەنەوە و لەبەرامبەردا بابەتی ئەرێنی لەسەر کامالا هاریسی ڕکابەری بڵاودەکەنەوە.

 

بڵاوکراوەی فەرمی: دۆنالد ترەمپ لە تۆڕی کۆمەڵایەتی "تروس" نووسیوویەتی،"ئەوە ڕوونبووەتەوە کە گووگڵ بەشێوەیەکی نایاسایی جۆرە سیستمێکی بەرکارهێناوە بۆ ئاشکراکردن و بڵاوکردنەوەی بابەتی خراپ لەسەر  من و بەمەبەست ئەو کارە دەکرێت، لەهەمان کاتدا تەنیا بابەتی باش و ئەرێنی لەسەر کامالا هاریس بڵاودەکەنەوە."

 

ئەوەی پێویستە بیزانیت: ترەمپ داوا لە وەزارەتی دادی وڵاتەکەی دەکات، دەستوەردان لەسەر ئەو بابەتە بکات، چونکە ئەگەر هیچ کەسێک گوگڵ ڕانەگرێت ئەوا لەکاتی بوونەوە بە سەرۆکی ئەمەریکا لە بەرزترین ئاست لێپێچینەوە لە گووگڵ دەکات.