لە پیرۆ شوێنەواری ئاژەڵی ماستۆدۆن دەدۆزرێتەوە

ئاڤا نیوز

شوێنەوارناسان پاشماوەی سێ  ئاژەڵی ماستۆدۆنی مامۆس [ ئاژەڵێکە وەک فیل وایە و لەناوچوون]ـی سەردەمی بەستەڵەک لە پیرۆ دەدۆزنەوە.

 

وێنە گەورەکە: لە ئەندێزی وڵاتی پیرۆ پاشماوەی بەبەردبووی سێ ماستۆدۆن کە مێژوویان بۆ 11000 بۆ 12000 ساڵ لەمەوبەر دەگەڕێتەوە دۆزرانەوە.

 

لێدوانی فەرمی: ئیڤان مێزا شارەزای بواری شووێنەوارناسی ڕایگەیاند: "تائێستا سێ نموونەمان دۆزیوەتەوە و ئەگەر هەیە  ئاژەڵی دیکەی بەربەردبووی ماستۆدۆن لەو ناوچەیە هەبێت، هەروەها پێشبینی دەکرێت جیا لە ماستۆدۆن جۆری دیکەی ئاژەڵ لەو شوێنە هەبێت"

 

زانیاریی زیاتر: شارەزایان پێیانوایە ماستۆدۆنەکان بەهۆی گۆڕانی بارودۆخی کەشوهەواوە لە ئەمریکای باکوورەوە کۆچیان کردبێت بۆ ئەمریکای باشوور بۆ گەڕان بەدوای خۆراک و ئاو.

 

باکگراوند: پیرۆ مێژوویەکی دەوڵەمەندی هەیە لە دۆزینەوەی شوێنەوار، لە سەرەتای مانگی نیسان زانایانی شوێنەوار کەللەسەری دۆلفینێکیان دۆزیەوە کە 16 ملیۆن ساڵ لەمەوبەر بەناو ئەمازۆنی پیرۆدا مەلەی کردبوو.