عەتەبەی حوسەینی: پێشوازی لە سەرجەم ئاوارە لوبنانییەکان دەکەین

ئاڤا نیوز

ماڵپەڕی فەرمیی عەتەبەی حوسەینی ئاشکرایکرد، لەسەر ڕاسپاردەی عەلی سیستانی، مەرجەعی باڵای شیعەکان، چەند ناوچەیەک لە کەربەلا ئامادەیە بۆ پێشوازی لە ئاوارە لوبنانییەکان.

 

وێنە گەورەکە: نزیکەی 10 ڕۆژە سوپای ئیسرائیل دەستی بە هێرشێکی چڕ بۆسەر حیزبوڵڵای لوبنان کردووە، تاوەکو ئێستا زیاد لە 650 هاووڵاتی کوژراون و سەروو  دوو هەزاریش بریندار بوون، دەیان هەزاری دیکەش ئاوارەی سووریا و عێراق بوون.

 

لێدوانی فەرمی: ئەحمەد حەسەن، فەهەد یاریدەدەری بەرپرسی پەیوەندییە گشتییەکان لە عەتەبەی حوسەینی ڕایگەیاند: سەرجەم شاری زیارەتکاران، مەزارگەکان، ئۆتێل و زۆربەی ماڵەکانی کەربەلا ئامادەن بۆ پێشوازی لە ئاوارە لوبنانیەکان لە ئەگەری هاتنیان بۆ عێراق.

 

ئەمەش بزانە: عەتەبەی حوسەینی لە کەربەلا لیژنەیەکی تایبەتی بۆ پێشوازیکردن لە کاروانی بریندار و ئاوارەی لوبنان پێکهێناوە.