کفن دەبێتە پڕبینەرترین فیلمی سینەمایی لە هەرێمی کوردستان و عێراق

ئاڤا نیوز 

فیلمی کفن ڕێکوردێکی دیکە دەشکێنێت و دەبێتە پڕبینەرتیرن فیلمی سینەمایی لە مێژووی هەرێمی کوردستان و عێراقدا.

چیرۆکی سەرەکی: کفن، یەکەم فیلمی درێژی ترسناکی کوردی، لە چیرۆکێکی ڕاستییەوە وەرگیراوە، باسی نووشتە و جادوو دەکات و بەهاوبەشی لەلایەن میترۆنۆم و ئاڤا میدیا بەرهەمهێنراوە، دوای تەنها 40 ڕۆژ لە نمایشکردنی بووەتە پڕبینەرترین فیلمی سینەمایی لەسەر ئاستی عێراق و هەرێمی کوردستان.

ڕاگەیێنراوی فەرمی:  پێگەی فیلمی سینەمایی کفن لە فەیسبووک بڵاویکردووەتەوە: فیلمەکە بە 100 هەزار بینەر لە سینەماکان، بووەتە پڕبینەرترین فیلمیی سینەمایی لەسەر ئاستی عێراق و هەرێمی کوردستان، هاوکات داهاتەکەی گەیشتە یەک ملیار دینار.

چی لەبارەیەوە دەگوترێت: چەندین ئەکتەر و هونەرمەند و سینەماکار قسەیان لەبارەی فیلمەکە کردووە، یەکێک لەوان بەهمەن قوبادی، سینەماکاری کورد و جیهانییە، دوای بینینی فیلمەکە دڵخۆشی خۆی دەربڕی و گوتی: "ئەمە خەونێ بوو، خەونمان پێوە دەبینی، بوو بە ڕاستی".