وەزارەتی ناوخۆ: هیچ ئاماژەیەک بۆ دواخستنی هەڵبژاردن نییە

ئاڤا نیوز 

 

لیژنەی باڵای ئەمنیی هەڵبژاردنەکان بۆ پرسی هەڵبژاردنی پەرلەمانی کوردستان کۆ بووە و چەند بڕیارێکی گرنگی دەرکرد و تێیدا جەخت لەوە کراوەتەوە، کە لە ڕۆژی دەنگدانی گشتی و تایبەتدا، بردنە ژوورەوەی مۆبایل بە هەموو شێوەیەک قەدەغەیە.

لێدوانی فەرمی: هێمن میرانی، بەڕێوەبەری گشتیی دیوان لە وەزارەتی ناوخۆ لەبارەی هەڵبژاردنەوە ڕایگەیاند، پڕۆسەکە دڵنیایی دەداتە دەنگدەر 100% دەنگی پارێزراوە و هیچ هێزێک ناتوانێت فشار لە دەنگدەر بکات دەنگ بەلایەنێک بدات.

 

لەلایەکی دیکەوە: میرانی جەختی کردەوە، هەڵبژاردن لەکاتی خۆیدا دەکرێت و هیچ ئاماژەیەک بۆ گواستنەوەی پریشکی ئاگری گرژی و ئاڵۆزییەکانی نێوان ئێران و ئیسرائیل نییە. 

زانیاریی زیاتر: هێمن میرانی ئاماژەی بەوەشدا: دوای کۆتایی هاتنی پڕۆسەی دەنگدان، میمۆری ئامێرەکانی دەنگدان بەشێوازێکی پیشەییانە و بە ئامادەبوونی نوێنەری سەرجەم پارت و لایەنە سیاسییەکان لەڕێگەی فڕۆکەخانەی نێودەوڵەتی هەولێر بۆ بەغدا  دەگوازرێتەوە.

باکگراوند: بڕیارە هەڵبژاردنی خولی شەشەمی پەرلەمانی کوردستان لە 20ـی تشرینی یەکەمی ئەمساڵ، بە سەرپەرشتیی کۆمسیۆنی باڵای سەربەخۆی هەڵبژاردنەکانی عێراق بەڕێوە بچێت.