عێراق گرێبەستی کارکردنی تیمی یونیتاد درێژناکاتەوە

ئاڤا نیوز 

 

لەسەر داوای حکومەتی عێراق، تیمی نەتەوە یەکگرتووەکان بۆ لێكۆڵينه‌وه‌ لە تاوانەکانی داعش، لە نێوەڕاستی ئەمساڵ کارەکانی کۆتایی پێدێنێت؛ ئەمەش بە زیان بۆ کەیسی کوردانی ئێزدی لێکدەدرێتەوە.

 

لێدوانی فەرمی: خەیری عەلی ئیبراهیم، سەرۆکی ڕێکخراوی پترۆکۆلی ئەمریکی بە ئاڤا نیوزی ڕاگەیاند: "کشانەوەی 'یونیتاد' لە عێراق، زیان بە کەیسی کوردانی ئێزدی دەگەیێنێت، چونکە هێشتا دەیان گۆڕی بەکۆمەڵ لە شنگال هەن و 80%ـی ژێرخانی قەزاکەش وێران بووە".

 

زانیاریی زیاتر: بەپێی ئەو گرێبەستەی هەیە، کارکردنی تیمی 'یونیتاد' لە عێراق تاوەکو مانگی حوزەیرانی ئەمساڵە و بەغدا بڕیاری داوە گرێبەستەکە نوێ نەکاتەوە، بەمەش کارەکانی ئەو ڕێکخراوە کۆتایی دێت.