ئامێر و پێداویستی پزیشکی نوێ بۆ نەخۆشخانەی ڕزگاری دابین دەکرێن

ئاڤا نیوز

 

چەندین ئامێر و پێداویستی پزیشکی نوێ بۆ نەخۆشخانەی ڕزگاری هەولێر دابین دەکرێت.

 

وێنە گەورەکە: لە درێژەی کاروچالاکییەکانی سەرۆکوەزیران مەسرور بارزانی بۆ زیاتر خزمەتکردنی کەرتی تەندروستی چەندین ئامێری و کەرستەی پزیشکی نوێ بۆ نەخۆشخانەی ڕزگاری دابینکران.

 

لێدوانی فەرمی: د. سامان بەرزنجی، وەزیری تەندروستی هەرێمی کوردستان، لە کۆنگرەیەکی ڕۆژنامەوانیدا ڕایگەیاند: لەسەر ئەرکی تایبەتی سەرۆکوەزیران مەسرور بارزانی، ئامێری ct scan و دوو ئامێری دیکەی سۆنەر بۆ نەخۆشخانەی ڕزگاری دابینکراوە، ئەمەش دەبێتە یارمەتیدەرێکی زۆر باش بۆ کەمکردنەوەی قەرەباڵغی و کەمکردنەوەی نۆرەگرتن لەو نەخۆشخانەیە، ئەمەش خەم خۆری سەرۆکوەزیران دەردەخات بۆ تەندروستی هاووڵاتیان و بێ گەڕانەوە بۆ ڕۆتیناتی ئیداری ئەو پێداویستیانەی لەسەر ئەرکی خۆی دابین کردووە.