ئاراس شێخ جەنگی: خەڵكی سلێمانی زۆر بێزارن و پێویستە بیگۆڕن

ئاڤا نیوز 

 

ئاراس شێخ جەنگی، ئەندامی پێشووی سەركردایەتیی یەكێتیی نیشتمانی كوردستان دەڵێت، من یەكێتی نیم و بەرەی گەلیش نیم. دەشڵێ مەسرور بارزانی هەر لە ئێستاوە سەرۆكی كابینەی داهاتووی حكومەتی هەرێمی كوردستانە.

 

لێدوانی فەرمی: ئاراس شێخ جەنگی، لە كۆنفڕانسێكی ڕۆژنامەوانیدا لە وەڵامی ئەو پرسیارەی ئاخۆ كێ سەرۆكی داهاتووی حكومەتە، ئاراستی شێخ جەنگی گوتی: "كاك مەسرور هەر لە ئێستاوە سەرۆكی حكومەتە".

 

ئاراس شێخ جەنگی هەروەها ڕایگەیاند: "یەكێتی كە دەڵێت كۆتایی پێدەهێنین بۆ لە حكومەت دەست لەكار ناكێشێتەوە، قوباد بۆ لەگەڵ وەزیرەكان ناچێتە ماڵەوە، هێشتا هەر لە دەسەڵاتە و دوێنێش بەشداریی كۆبوونەوەی حكومەت كردووە و ڕاست ناكات و ئەمەی دەیكات تەنیا ڕاكێشانی هەست و سۆزی خەڵكە و هیچی دیكەی تێدا نییە".

 

گۆشەیەکی دیکە: ئاراس شێخ جەنگی جەختیشی كردەوە كە ئێستا ئەو نە یەكێتییە و نە بەرەی گەلیشە، ڕاشیگەیاند: "بەخوا هیچ تێناگەم لەو یەكێتییەی ئێستا، ڕۆژی دەنگدان خۆم دەزانم دەنگ بە كێ دەدەم ئەوە لەنێو دڵی خۆمدایە، خەڵكی سلێمانی زۆر بێزاری دەردەبڕن و داوایان لێدەكەم بچن بۆ دەنگدان و بیگۆڕن".