هێرشە مووشەكییەكەی ئێران نرخی زێڕی بەرزكردەوە

ئاڤا نیوز

 

هێرشە مووشەكییەكەی ئەمشەوی ئێران بۆ سەر ئیسرائیل، جگە لە نرخی نەوت، نرخی زێڕیشی بەرزكردەوە.

 

زانیاریی بەدەستهاتوو: ئەمشەو سێشەممە 1-10-2024، دوای هێرشە مووشەكییەكەی ئێران نرخی زێڕ لە بازاڕەكانی جیهان بەرزبووەتەوە و لە هەرێمی كوردستانیش نرخی مسقاڵێك زێڕ زیاتر لە پێنج هەزار بەرز بووەتەوە.

 

لێدوانی فەرمی: وریا مەلا یاسین، زێڕنگەر و شارەزا لە بواری زێڕ لە شاری هەولێر بە ئاڤا نیوزی ڕاگەیاند: ئەمشەو نرخی زێڕ بەراورد بە پێش هێرشە مووشەكییەكە، پێنج هەزار دینار بۆ هەر مسقاڵێك بەرزبووەتەوە و نرخی یەك ئۆنسەی زێڕ بۆ 2660 دۆلار بەرز بووەتەوە.

 

ژمارەكان وادەڵێن:

ئێستا نرخی مسقاڵێك زێڕ لە بازاڕەكانی هەرێمی كوردستان بەمشێوەیەی خوارەوەیە:-
مسقاڵێك زێڕی عەیار 24:  670 هەزار دینار.
مسقاڵێك زێڕی عەیار 22: 615 هەزار دینار.
مسقاڵێك زێڕی عەیار 21:  585 هەزار دینار.
مسقاڵێك زێڕ عەیار 18:  500 هەزار دینار.

 

ئەوەش بزانە: نرخی زێڕ ئەمڕۆ بەراورد بە دوێنێ، بۆ هەر مسقاڵێك 15 هەزار دینار بەرزبووەتەوە.