بەهای دینار بەرامبەر دۆلار گۆڕانکاری بەسەردا دێت

ئاڤا نیوز

 

بەهۆی هێرشە مووشەکیەکەی ئێران بۆسەر ئیسرائیل، گۆڕانکاریی بەرچاو بەسەر بەهای دینار بەرامبەر دۆلاردا هات، پێشبینی دەکرێت لە ئەگەری بەردەوامی هێرشەکان و وەڵامدانەوەی لایەنی بەرامبەر بەهای دینار زیاتر دابەزێت. 

 

لێدوانی فەرمی: کەیفی خۆشناو، گوتەبێژی بازاڕی دۆلار فرۆشانی هەولێر، بە ئاڤا نیوزی گوت: هێشتا کاتەکە زووە، چاوەڕوان دەکرێت ئەمڕۆ بەرزبوونەوە و دابەزینی زیاتر بە بەهای دینار ببینرێت.

 

زانیاریی زیاتر: چاوەڕوان دەکرێت ئەمڕۆ بانکی ناوەندی و حکومەتی عێراق دۆلاری زیاتر بۆ جێگیرکردنی بەهای دینار بەرامبەر بخەنە بازاڕەوە.

 

ژمارەکان وا دەڵێن: بەهای دیناری عێراقی بەرامبەر دۆلار:

100 دۆلار بە 152 هەزار دینار و 750 دینار مامەڵەی دەفرۆشرێت
100دۆلار بە 152 هەزار و 500 دینار دەکڕدرێت