ئومێد سەباح: لە دوو ڕۆژی داهاتوو تەواوکاری مووچەی مانگی 8 و مووچەی مانگی 9 دێت

ئاڤا نیوز

 

سەرۆکی دیوانی ئەنجوومەنی وەزیران ڕایگەیاند، بڕیارە لەم دوو ڕۆژەدا کورتهێنانی مووچەی مانگی هەشت و تەواوی مووچەی مانگی نۆش بگاتە هەرێمی کوردستان. 

 

لێدوانی فەرمی: ئومێد سەباح، سەرۆکی دیوانی ئەنجوومەنی وەزیران لە کۆنفرانسێكی ڕۆژنامەوانیدا ڕایگەیاند: ئێستا شاندێكی تەكنیكیمان لە بەغدان، وەزارەتی دارایی عێراق ڕێکارەکانی خەرجکردنی کورتهێنانی مووچەی مانگی هەشتی تەواو کردووە و "لە هەمان کاتدا ئێمە کارمان لەسەر خەرجکردنی مووچەی مانگی نۆش کردووە".

 زانیاریی زیاتر: حکومەتی عێراق تاوەکو ئێستا 755 ملیار دیناری بۆ مووچەی مانگی هەشت ناردووە و 245 ملیار کورتهێنان هەیە، ڕێکارەکانی خەرجکردنی کورتهێنانەکە لەلایەن وەزارەتی دارایی فیداڵییەوە تەواو بوون، ئێمە کارمان لەسەر دابینکردنی مووچەی مانگی نۆش کردووە.

 

ئەوەی پێویستە بیزانیت: بڕیارە لەم دوو ڕۆژەدا کورتهێنانی مووچەی مانگی هەشت و تەواوی مووچەی مانگی نۆش بگاتە هەرێمی کوردستان و هیچ بەربەرستێک لە بەردەم خەرجکردنیاندا نەماوە، لەگەڵ  گەیشتنی دەست بەدابەشکردنی مووچە دەکرێت.