خالید خۆشناو: 24 كاتژمێر كاردەكەین بۆ تەواو كردنی پڕۆژەی فریاگوزاری خێرا

ئاڤا نیوز

 

کارکردن لە پڕۆژەی فریاگوزاری خێرای ئاوی هەولێر بەردەوامە و لەکاتی خۆیدا تەواو دەکرێت.

 

وێنە گەورەکە: کابینەی نۆیەمی حکومەتی هەرێمی کوردستان گرنگی تەواویداوە بە پڕۆژەی ستراتیژی نوێ لەوانە پڕۆژەی فریاگوزاری خێرای ئاوی هەولێر، کە گرفتی کەمئاوی بە تەواوی لە هەولیر چارەسەر دەکات بۆ چەندین ساڵی ئایندە، هەروەها دروستکردنی ڕێگاوبانی نوێ و بە دوو ساید کردنی ڕێگای نێوان شارەکانی هەرێمی کوردستان لەم هەنگاوەشیدا سەرکەوتووانە دەستکەوتی دیار و بەرچاوی هەبووە، بە نمونەی ئەو پڕۆژە ستراتیژانە شەقامی 120 مەتری و 150 مەتری هەولێرە.

 

لێدوانی فەرمی: خالید خۆشناو، خاوەنی هێمن گرووپ لە چاوپێکەوتنێکی لەگەڵ ئاڤا نیوزدا ڕایگەیاند: 24 كاتژمێر كاردەكەین بۆ تەواوكردنی پڕۆژەی  فریاگوزاری خێرا، بەڵێنیان بە سەرۆكوەزیرانی حكومەتی هەرمێ كوردستان داوە كە پڕۆژەكە لەكاتی خۆیدا تەواو ببێت و پڕۆژەكە كێشەی ئاوی هەولێر بۆ ماوەی سی ساڵ چارەسەر دەكات.

 

ئەمەش بزانە: پڕۆژەکە لە یەک کاتژمێردا 20 هەزار مەتر سێجا دەگەیێنێت بە شاری هەولێر، پێداویستی یەک ملیۆن و 500 هەزار هاووڵاتی پڕدەکاتەوە و کێشەی ئاوی خواردنەوە بەتەواوی چارەسەر دەکات.