دوای 33 ساڵ باڵیۆزخانەی سویسرا لە بەغدا کرایەوە

ئاڤا نیوز

 

دوای 33 ساڵ لە داخستنی، جارێکی دیکە بالیۆزخانەی سویسرا لە عێراق دەکرێتەوە، یەکەم باڵیۆزیشی دەستبەکار دەبێت.

 

چیرۆكه‌ سه‌ره‌كیه‌كه: ‌ ئەمڕۆ شەممە، سەرۆکوەزیرانی عێراق پێشوازی لە دانیال هۆن، باڵیۆزی سویسرا کرد لە عێراق ، کە بە یەکەم باڵیۆزی وڵاتەکەی دادەنرێت دوای کردنەوەی باڵیۆزخانەی سویسرا لە بەغدا دوای 33 ساڵ.

 

ڕاگه‌یێنراوی فه‌رمی: نووسینگەی ڕاگەیاندنی سەرۆکوەزیرانی عێراق بڵاویکردەوە: "محەممەد شیاع سوودانی، سەرۆکوەزیرانی عێراق کردنەوەی باڵیۆزخانەی سویسرا لە بەغدا بە هەنگاوێکی گرنگ و قۆناغێکی نوێ لە پەیوەندییەکانی نێوان هەردوو وڵات دادەنێت".

 

لەلایەکی دیکە: باڵیۆزی سویسرا لە عێراق دووپاتی کردەوە، کردنەوەی باڵیۆزخانەکە لە بەغدا یارمەتیدەر دەبێت بۆ بەشداربوونی کۆمپانیای سویسری لە بواری وەبەرهێناندا لە عێراق.