لە سلێمانی سێ شوێنی دابەشکردنی غازی ماڵان دادەخرێن

ئاڤا نیوز

بەهۆی گرانفرۆشی و پابەندنەبوون بە ڕێنماییەکانی کارکردن، لیژنە هاوبەشەکانی قایمقامیەتی سلێمانی سێ شوێنی دابەشکردنی غازی ماڵانیان داخست.

چیرۆکی سەرەکی: ئەمڕۆ دووشەممە به‌هۆی دابیننه‌كردنی غازی پێویست بۆ ماڵان و، هەوڵدان بۆ بەرزکردنەوەی نرخەکەی، بە بڕیاری قایمقامیەتی سلێمانی، سێ شوێنی بریکاری کارگەکانی غازی ماڵان داخران، خاوەنەکانیشیان ڕووبەڕووی ڕێککاری یاسایی دەکرێنەوە.

لێدوانی فەری: گۆران قادر، سەرۆکی لیژنە هاوبەشەکانی قایمقامیەتی سلێمانی لە کۆنفرانسێکی ڕۆژنامەوانیدا ڕایگەیاند، داخستنی شوێنەکان لەسەر سکاڵای هاووڵاتیان بووە، داخستنەکە کاتییە و خاوەنەکانیشیان بۆ لێکۆڵینەوە بانگ دەکەن.


بەگوتەی گۆران قادر، بەشێوەیەکی گشتی نرخی غاز لە سلێمانی گران نەبووە و ئاساییە، ئەوەی هەیە هاوشێوەی ساڵانی ڕابردوو زۆربوونی خواستە لە وەرزی زستاندا. هۆشداری ئەوەشی دا هەر کەسێک هەوڵی بەرزکردنەوەی نرخ بدات، سزادەدرێت.

ئەمەش بزانە؛ نرخی پڕکردنەوەی بتڵێک غاز لە سلێمانی، هاوشێوەی هەولێر بە 8 هەزار و 500 دینارە.



گۆران قادر، سەرۆکی لیژنە هاوبەشەکانی قایمقامیەتی سلێمانی