ترەمپ دەچێتەوە ئەو شوێنەی هەوڵی تیرۆرکردنی درا

ئاڤا نیوز

 

دۆناڵد ترەمپ، کاندیدی کۆمارییەکان بۆ پۆستی سەرۆکایەتیی ئەمریکا، دوای سێ مانگ جارێکی دیکە لە ویلایەتی پێنسیلڤانیایە، ئەو شوێنەی کە بۆ یەکەم جار هەوڵی تیرۆرکردنی درا. 

 

چیرۆکی سەرەکی: لە 13ـی مانگی هەشتی ئەمساڵ، دۆناڵد ترەمپ لە ویلایەتی پێنسیلڤانیا بوو، لە چوارچێوەی هەڵمەتی بانگەشەی هەڵبژاردن بۆ پۆستی سەرۆکایەتیی ئەمریکا ڕووبەرووی هەوڵێکی تیرۆرکردن بووە و تەقەی لێکرا، لە ئەنجامدا گوێیەکی بریندار بوو.

 

ڕاگەیێنراوی فەرمی: دۆناڵد ترەمپ دوای سێ مانگ لەو شوێنەی تەقەی لێکرا ڕایگەیاند، بۆ 15چرکە لێرە کات وەستا، ئەوانەی ئەو کارەیان کرد لە هەوڵەکانیان سەرکەوتوو نەبوون. 

 

لەلایەکی دیکەوە: مانگی ڕابردوو لەو کاتەی دۆناڵد ترەمپ لە یاریگا گۆڵفەکەی لە فلۆریدا سەرقاڵی یاریکردن بوو، لەو شوێنە دەنگی تەقە بیسترا، بەڵام نازانرێت هەوڵی تیرۆرکردن بووە یاخود تەنیا تەقەیەکی هەڕەمەکی بووە و پەیوەندی بە ترەمپەوە نەبووە.

 

ئەمەش بزانە: تەنیا یەک مانگ ماوە بۆ هەڵبژاردنی سەرۆکایەتیی ئەمریکا.