کاندیدێکی نەوەی نوێ لە هەڵبژاردن دەکشێتەوە

ئاڤا نیوز

 

بەربژێرێکی نەوەی نوێ لە بازنەی سلێمانی لە کاندیدبوون بۆ هەڵبژاردنی پەرلەمانی کوردستان کشایەوە.

 

لێدوانی فەرمی: کاندیدی ژمارە 21ـی نەوەی نوێ لە بازنەی سلێمانی بە ناوی شاتوو فەرەیدون حەمە ساڵح، نووسراوێکی بۆ ئۆفیسی سلێمانی کۆمیسیۆنی باڵای سەربەخۆی هەڵبژاردنەکانی عێراق ناردووە و دەڵێت: "من لە کاندیدبوون  لەسەر لیستی ناوبراو دەکشێمەوە".

هۆکارە زانراوەکان: ئەو کاندیدە باس لە هۆکاری کشانەوەکەی دەکات و دەڵێت: "تاکو ئێستا هیچ ڕێکلام و پۆستەرێکم بۆ نەکراوە و نادادی لە ڕیزبەند و ماف و ئیمتیازەکانی ناو لیستەکە هەیە و ڕاستگۆ نەبوون لەگەڵمان". هاوکات داوای لە ئۆفیسی سلێمانی کۆمیسیۆن کردووە کاری یاسایی بکەن بۆ سڕینەوەی ناوەکەی لە لیستی نەوەی نوێ.