پێدانی مۆڵەت بە پڕۆژەکانی نیشتەجێبوون ڕادەگیرێت

ئاڤا نیوز

 

پێدانی مۆڵەتی پرۆژەی نیشتەجێبوون لە هەرێمی کوردستان ڕادەگیرێت. دەستەی وەبەرهێنان دەڵێت کـەمـدەرامـەت و کـرێـنـشـیـنان لەم بڕیارە سوودمەند دەبن.

 

وێنە گەورەکە: بەمەبەستی زیاتر گرنگیدان بە پرۆژەکانی پیشەسازی، کشتوکاڵ و گەشتیاری، حکومەتی هەرێمی کوردستان مۆڵەتی پرۆژەکانی نیشتەجێبوونی ڕاگرت، بۆ ئەوەی ئەم کەرتانە بەشێوەیەکی بەرفراوان لە هەرێمی کوردستان گەشە بکەن.

 

لێدوانی فەرمی: "بـەمـەبـەســتـی ڕێـکـخـسـتـنـەوەی کـەرتـی نـیـشـتـەجـێـبـوون لـە هـەرێـمـی کـوردسـتـان، بـە ئـاراسـتـەی زیـاتر سـوودمـەندبـوونـی هـاووڵاتـییـانـی کـەمـدەرامـەت و کـرێـنـشـیـنان، بە فەرمانی سەرۆکوەزیران مەسرور بارزانی کـارکـردن لـە پـرۆژەی نـوێـی نـیـشـتـەجـێـبـوون ڕاگیرا و مـۆڵـەتـی نـوێـی وەبـەرهـێـنان لـە کـەرتـی نـیـشـتـەجـێـبـوون نادرێت". محەممەد شوکری، سەرۆکی دەستەی وەبەرهێنانی بە ئاڤا نیوزی گوت.

 

زانیاریی زیاتر: دەستەی وەبەرهێنان داوا لـە وەبـەرهـێـنـەرانـی هـەرێـمـی کـوردسـتـان دەکات؛ یـارمـەتـیـدەر و هـاوکـار بـن تـاوەکـو وەبـەرهـێـنـانـی زیـاتـر لـە سـێـکـتـەرەکـانی دیکەدا بـکـرێـت.

 

ئەمەش بزانە؛ لە دوای دامەزراندنی دەستەی وەبەرهێنان لە ساڵی 2006, تاوەکو ئێستا مۆڵەت بە زیاتر لە 200 پڕۆژەی نیشتەجێبوون دراوە و بەهاکەشیان زیاتر لە 18 ملیار دۆلارە.