ئەمریکا و ئیسرائیل جەخت لە ڕاگرتنی ئێران و هاوپەیمانەکانی دەکەنەوە

ئاڤا نیوز

 

لە ساڵیادی هێرشی حەوتی ئۆکتۆبەردا، وەزیری بەرگری ئەمریکا و ئیسرائیل گفتۆگۆیەکیان لەبارەی دۆخی ڕۆژهەڵاتی ناوەراست کرد و پاڵپشتی ئەمریکای بۆ ڕاگرتنی ئێران و هاوپەیمانەکانی لە ناوچەکە دووپاتکردەوە. 

 

وێنە گەورەکە: وەزیری دەرەوەی ئەمریکا لەگەڵ هاوتا ئیسرائیلییەکەی گفتوگۆیەکی سەبارەت بە دۆخی ڕۆژهەڵاتی ناوەڕاست ئەنجامدا و پاڵپشتی ئەمریکای بۆ ئیسرائیل دووپاتکردەوە گوتی: "بەهەموو شێوەیەک لەگەڵتانین".

 

زانیاریی زیاتر: وەزارەتی دەرەوەی ئەمریکا سەبارەت بە دۆخی لوبنان ڕایگەیاند: واشنتن بەردەوامە لە گفتوگۆکردن لەگەڵ ئیسرائیل بۆ گەیشتن بە ئاگربەست و ڕاگرتنی شەر لە ناوچەکە، هەروەها باس لە ئاسانکاریکردن کراوە بۆ گەڕانەوەی ئاوارەکان لە سنووری نێوان ئیسرائیل و لوبنان.

 

ئەمەش بزانە: بڕیارە ئەم هەفتەیە وەزیری بەرگری ئیسرائیل سەردانی ئەمریکا بکات و لەگەڵ لۆید  ئۆستن و بەرپرسانی باڵای ئیدارەی جۆ بایدن کۆببێتەوە.