وەزیری دەرەوەی فەرەنسا سەردانی ئیسرائیل دەکات

ئاڤا نیوز

 

وزیری دەرەوەی فەرەنسا لە سەردانێکدا گەیشتە ئیسرائیل و چووە شوێنی فیستیڤاڵی میوزیکی نۆڤا، ئەو شوێنەی کە چەکدارانی حەماس ساڵێک پێش ئێستا هێرشیان کردە سەری. 

 

وێنە گەورەکە: ئەمڕۆ ساڵێک بەسەر هێرشی تۆفانی ئەقسای حەماس بۆ سەر ئیسرائیل تێدەپەڕێت و لە سەرانسەری ئیسرائیل یادەوەری و بۆنەی تایبەت بۆ قوربانییانی ئەم ڕووداوە ساز دەکرێت. 

 

لێدوانی فەرمی: جین نۆئێل بارۆت، وەزیری دەرەوەی فەرەنسا، لە شوێنی ڕووداوەکەی حەوتی ئۆکتۆبەر ڕایگەیاند: "من هاتوومەتە ئێرە تا هاودەنگیی و هاوخەمی فەرەنسا بۆ خێزانەکانی هێرشەکەی حەوتی ئۆکتۆبەری پار ساڵ ڕابگەیێنم و سەرەخۆشییان لێبکەم، بۆ پێدانی پاڵپشتی خۆمان بۆ ئیسرائیلییەکان و پێدانی ئەو پەیامەی فەرەنسا کە هەمیشە کار بۆ ئەوە دەکات ڕێگە نەدات ئەو جۆرە تاوانانە بە هیچ جۆرێک ڕوو بدەنەوە". 

 

زانیاریی زیاتر: لە هێرشەکەی حەماس بۆ سەر ئیسرائیل هاوڵاتییەکی ئیسرائیلی-فەرەنسی بە ناوی کارین ژۆرنۆ کوژراوە کە بووەتە هۆی سەردانی وەزیری دەرەوەی فەرەنسا بۆ شوێنەکە.