مەرجەکانی وەرگرتنی قەرز لە پرۆژەی گەشانەوە چین؟

ئاڤا نیوز

قۆناغی یەکەمی پڕۆژەی گەشانەوە لە 25-9- 2023 بە ئامادەبوونی سەرۆکوەزیران مەسرور بارزانی و، قۆناغی دووەمیش ئەمڕۆ سێشەممە ڕاگەیێنرا.

وێنە گەورەکە: پرۆژەی گەشانەوە دەستپێشخەری دابینکردنی پاڵپشتی داراییە لەلایەن حکومەتی ھەرێمی کوردستانەوە بۆ بزنسە بچووک و مامناوەندەکان.

ئەوەی پێویستە بیزانیت: هاووڵاتییان لە ڕێگەی ماڵپەڕی گەشانەوە فۆڕم پێشکەش دەکەن و دواتر هەڵسەنگاندنیان بۆ دەکرێت و بە چەند فیلتەرێکدا تێدەپەڕن تاوەکو قەرزەکەیان پێدەدرێت.

ئەمەش بزانە: حکومەتی هەرێمی کوردستان لەڕێگەی پڕۆژەی گەشانەوە، تاوەکو بڕی 150 ملیۆن دیناری عێراقی قەرز بۆ بزنسی بچووک و مامناوەند دابین دەکات

مەرجەکانی وەرگرتنی قەرز لە پرۆژەی گەشانەوە:

1-پێویستە هاووڵاتی کوردستان بیت و تەمەنت لەنێوان 21 بۆ 60 ساڵ بێت.

2- نابێت لە هیچ دەزگایەکی حکومەتی هەرێمی کوردستان دامەزرابیت.

3- پێویستە لەکاتی پێشکەشکردنی داواکارییەکەتدا، بزنسەکەت بە لایەنی کەمەوە 12 مانگ کاری کردبێت.

4- دەبێت شوێنی بزنسەکەت لە هەرێمی کوردستان بێت.

5- پێویستە بزنسەکەت کەمتر لە 100 کارمەندی هەبێت.

6- دەبێت کارەکەت لە بەڕێوەبەرایەتی گشتی تۆمارکردنی کۆمپانیاکانی حکومەتی هەرێمی کوردستان تۆمار کرابێت و ژمارەی کەسیی بێ هاوتا (UPN) و ژمارەی بازرگانیی بێهاوتا (UEN) هەبێت.

7- ئەگەر بزنسە کشتوکاڵیەکەت یان کارگەکەت لە بەڕێوبەرایەتی گشتیی تۆمارکردنی کۆمپانیاکان تۆمار نەکراوە، ئەوا پێویستە تەنها ژمارەی کەسیی بێ هاوتا (UPN) بەدەست بهێنیت بۆ پێشکەشکردنی داواکاری.

8- تەنها یەکجار دەتوانیت داواکاری پێشکەش بکەیت.