زانیاریی نوێ سەبارەت بەگواستنەوەی بارەگای سیستانی ئاشکرا دەبێت

ئاڤا نیوز

 

سەرچاوەیەکی نزیک لە مەرجەعی باڵای شیعەکان لە نەجەف، دەنگۆی گواستنەوەی بارەگای فەرمی عەلی سیستانی، مەرجەعی باڵای شیعەکان بۆ شوێنێکی نادیار ڕەتدەکاتەوە.

 

وێنە گەورەکە: کەناڵی 14ـی ئیسرائیلی وێنەیەکی عەلی سیستانی، مەرجەعی باڵای شیعەکانی لەپاڵ ژمارەیەک سەرکردەی حیزبوڵڵای لوبنان، سوپای پاسداران، فەیلەقی قودس، حەماس و حوسییەکانی بڵاوکردەوە، گوایە ئەوانە لەو لیستەدان کە ئیسرائیل بە ئامانجیان دەگرێت.

 

ڕاگه‌یێنراوی فه‌رمی: سەرچاوەکە بڵاویکردەوە: "سیستانی بە هیچ شێوەیەک شوێنی نیشتەجێبوون و بارەگای فەرمی خۆی ناگۆڕێت و  گرنگی بەو جۆرە هەڕەشانە نادات".

 

له‌لایه‌كی دیكه‌وه: ئەحمەد بریسم، پسپۆڕی کاروباری ئەمنی ڕایگەیاند:  ئێسرائیل لە ماوەی ساڵێکدا زیاتر لە 40 هەزار موسڵمانی کوشتووە، ئاساییە مەرجەعە ئایینییەکان بکاتە ئامانج، بۆیە پێویستە  هەڕەشەکانی بە جددی وەربگیرێن.