باڵیۆزخانەی ئەمریکا: سیستانی لە بەهێزکردنی ئاشتیدا دەنگێکی کاریگەرە

ئاڤا نیوز

باڵیۆزخانەی ئەمریکا لە عێراق بەئامانجگرتنی مەرجەعی باڵای شیعەکانی عێراق ڕەتدەکاتەوە و دەڵێت، سیستانی لە بەهێزکردنی ئاشتی ناوچەکەدا دەنگێکی کاریگەرە.

وێنە گەورەکە: لە چەند ڕۆژی ڕابردوودا کەناڵی 14ـی ئیسرائیلی وێنەیەکی عەلی سیستانی، مەرجەعی باڵای شیعەکانی لەپاڵ ژمارەیەک سەرکردەی حیزبوڵڵای لوبنان، سوپای پاسداران، فەیلەقی قودس، حەماس و حوسییەکانی یەمەن بڵاوکردەوە، گوایە ئەوانە لەو لیستەدان کە ئیسرائیل بەئامانجیان دەگرێت.

ڕاگەیێنراوی فەرمی: باڵیۆزخانەی ئەمریکا لە بەغدا لە پەیامێکدا کە ئاژانسی هەواڵی عێراقی (واع) بڵاوی کردووەتەوە، ڕایگەیاندووە، ئەمریکا هەموو بەئامانجگرتنێکی عەلی سیستانی ڕەتدەکاتەوە، چونکە ناوبراو پێگەیەکی ئایینیی دیاری هەیە و لەناو کۆمەڵگەی نێودەوڵەتیدا ڕێزێکی زۆری لێدەگیرێت.

زانیاریی زیاتر: وەک لە پایەمەکەی باڵیۆزخانەی ئەمریکادا هاتووە، واشنتن باوەڕی وایە سیستانی دەنگێکی کاریگەرە بۆ بەهێزکردن و پێشخستنی ناوچەکە و زیاتر بەرقەرارکردنی ئاشتی و ئارامی تیایدا.