ئەڵمانیا: لە ناردنی چەک بۆ ئیسرائیل بەردەوام دەبین

ئاڤا نیوز

 

ئۆڵاف شۆڵز، ڕاوێژکاری ئەڵمانیا ڕایگەیاند: وڵاتەکەی لە ناردنی چەک و کەرەستەی سەربازی بۆ ئیسرائیل بەردەوام دەبێت.

 

لێدوانی فرمی: لە گوتەیەکدا لە بەردەم پەرلەمانی وڵاتەکەی، ڕاوێژکاری ئەڵمانیا ڕایگەیاند "ئێمە تائیستا چەکمان بۆ ئیسرائیل دابین کردووە و درێژە بەم کارەشمان دەدەین. حکومەتی ئەڵـمانیا بڕیاری داوە لە داهاتووشدا یارمەتی زیاتر بۆ ئیسرائیل دابین بکات؛ ئەوەشی تا ئێستا پێچەوانەی ئەمە گوتراوە تۆمەتێکی درۆ بووە."

 

ئەوەی ئێستا ڕوودەدات: ئەمە لە کاتێکدایە ئیسرائیل لە هێرشەکانی بۆ سەر کەرتی غەززە و لوبنان بەردەوامە، تائێستا زیاتر لە 42 هەزار کەسی تەنیا لە کەرتی غەززە کوشتووە و هاوکات هێرشی زەمینیشی بۆ سەر لوبنان دەستپێکردووە.