مەسرور بارزانی: چەند ڕۆژێکی دیکە ئاهەنگی سەرکەوتن دەگێڕین

ئاڤا نیوز

 

مەسرور بارزانی لەبەردەم نزیکەی 60 هەزار ئەندام و لایەنگری حیزبەکەی لە دهۆک، مژدەی سەرکەوتنی ڕاگەیاند  و بە جۆشوخرۆشەوە پێیگوتن: "چەند ڕۆژێکی دیکە ئاهەنگی سەرکەوتن دەگێڕین".

 

لێدوانی فەرمی: مەسرور بارزانی، جێگری سەرۆکی پارتی دیموکراتی کوردستان، لەمیانی بەشداریکردنی لە کەرنەڤاڵە گەورەکەی پارتی لە دهۆک، گوتارێکی پێشکەش کرد و ڕایگەیاند: پارتی حیزبی یەکەم بووە و هەر یەکەمیش دەمێنێتەوە، چونکە لەگەڵ خودا و خەڵکەکەی ڕاستگۆ بووە، 

 

لەلایەکی دیکەوە: مەسرور بارزانی ڕایگەیاند: "دینداریی لای پارتی بۆ بەرژەوەندیی نییە و ئیماندارییەکی ڕاست و دروست دەکەین، دروشمەکانی پارتی ئارامی و ئاوەدانی، پێکەوەیی و خۆڕاگرییە".

 

بابەتی ستراتیژی: مەسرور بارزانی جەختی کردەوە "چەند ڕۆژێکی دیکە بڕیار لە چارەنووسی وڵاتی خۆمان دەدەین، دەبێت کوردستان لە دەستێکدا بێت ڕووبەڕووی مەترسییەکان ببێتەوە، تەنیا پارتی لەگەڵ خەڵکی کوردستان دەوەستێت".