لیژنەی هەڵبژاردنی پارتی داوای لێبووردن دەکات

ئاڤا نیوز

 

لیژنەی باڵای پارتی بۆ هەڵبژاردن داوای لێبووردن لە هەزاران ئەندام و لایەنگری لە شاری دهۆک دەکات، کە بەهۆی زۆریی بەشداربووان دەرفەتیان بۆ نەڕەخساوە بچنە نیو یاریگا و لە کەرنەڤاڵە گەورەکەی ئێوارەی ئەمڕۆ بەشداربن.

 

وێنە گەورەکە: ئەمڕۆ شەممە یەکێک لە گەورەترین کەرنەڤاڵەکانی پارتی دیموکراتی کوردستان بۆ بانگەشەی هەڵبژاردن بە ئامادەبوونی نێچیرڤان بارزانی و مەسرور بارزانی، جێگرانی سەرۆکی پارتی لە یاریگای دهۆک بەڕێوەچوو و نزیکەی 60 هەزار کەس بەشدار بوون.

ڕاگەیێنراوی فەرمی: لیژنەی باڵای پارتی بۆ هەڵبژاردن پەیامێکی داوای لێبووردنی بڵاوکردووەتەوە و وێرای سوپاسگوزاری بۆ دڵسۆزییان، دەڵێت: "بەهۆی ئامادەبوونی ژمارەیەکی زۆر و فراوانی جەماوەری دڵسۆزی پارتیمان لە ناو یاریگای دهۆک، داوای لێبووردن لەو دەیان هەزار هاندەر و لایەنگرە خۆشەویستانەی پارتیمان دەکەین، کە دەرفەتیان بۆ نەڕەخسا و لە دەرەوەی یاریگا مانەوە و نەیانتوانی بێنە ناو یاریگا و بەشداربن لەو کەڕنەڤاڵە مەزنە".