بەرەی مقاوەمە لە عێراق بۆ پێنجەمجار لە ڕۆژێکدا هێرش دەکاتە سەر ئیسرائیل

ئاڤا نیوز

بەرەی مقاوەمەی ئیسلامیی عێراق بۆ پێنجەمجار لەمڕۆدا، بە فڕۆکەی بێفڕۆکەوان هێرشی کردە سەر پێگەکانی ئیسرائیل لە بەرزاییەکانی جۆڵان و باشووری وڵاتەکە، جەختیش لە بەردەوامیی هێرشەکانی دژی سوپای ئیسرائیل دەکاتەوە.

وێنە گەورەکە: سەرەڕای بەردەوامیی هەوڵەکانی دەسەڵاتدارانی عێراق بۆ دوورخستنەوەی وڵاتەکە لە گرژییەکان، بەڵام گرووپە چەکدارەکانی نزیک لە ئێران لە خاکی عێراقەوە بەردەوامن لە هێرشکردنە سەر پێگەکانی ئیسرائیل.

ڕاگەیێنراوی فەرمی: بەرەی مقاوەمەی ئیسلامیی عێراق لە ڕاگەیێنراوێکدا ڤیدیۆی ساتی یەکێک لە هێرشەکانی بڵاوکردووەتەوە و ئەوەشی خستووەتەڕو، ئەمڕۆ شەممە 12-10-2024، سێجار و بە فڕۆکەی بێفڕۆکەوان هێرشیان کردووەتە سەر پێگەکانی ئیسرائیل لە جۆلان.

لەلایەکی دیکەوە: مقاوەمەی ئیسلامیی عێراق دەڵێت، بە فڕۆکەی بێفڕۆکەوان دوو ئامانجی دیکەی سەر بە شاری ئیلاتیان لە باشووری ئیسرائیل بۆردوومان کردوون، جەختیشی کردووەتەوە لە هێرشەکانی دژی ئیسرائیل بەردەوام دەبێت.