شاخەوان عەبدوڵڵا لەبارەی ناردنی مووچە دڵنیایی دەدات

ئاڤا نیوز

 

د. شاخەوان عەبدوڵڵا، جێگری سەرۆکی پەرلەمانی عێراق لەبارەی مووچەی مانگی نۆ دڵنیایی دەدات و دەڵێت: تەواوکاریی مووچەی مانگی نۆی مووچەخۆران لەلایەن بەغداوە دەگات.

 

لێدوانی فەرمی: د. شاخەوان عەبدوڵڵا، جێگری سەرۆکی پەرلەمانی عێراق لە کۆنگرەیەکی ڕۆژنامەوانیدا لەبارەی مووچەوە دڵنیایی دا و ڕایگەیاند: هیچ کێشەیەک لە بەردەم مووچەدا نەماوە.

 

ئەوەی پێویستە بیزانیت: چەند ڕۆژێکە دابەشکردنی مووچەی مانگی هەشتی مووچەخۆرانی هەرێمی کوردستان کۆتایی هاتووە و چاوەڕوان دەکرێت ئەم هەفتەیە دەست بە دابەشکردنی مووچەی مانگی نۆ بکرێت.

ئەمەش بزانە: هەرچەندە تاوەکو ئێستا بڕی 927 ملیار دینار لەلایەن بەغداوە بۆ مووچەی مانگی نۆ نێردراوە، بەڵام کورتهێنان هەیە و حکومەتی هەرێمی کوردستان چاوەڕوانە بەغدا پارەی دیکە بنێرێت و کورتهێنانەکە پڕبکاتەوە، کورتهێنانەکەش بەهۆی نەناردنی پارەی پێویست بۆ مووچەی مانگی حەوت دروست بووە، شاخەوان عەبدوڵڵاش دڵنیایی دا ئەم هەفتە پارەی دیکە دەنێردرێت.